Tura,January 23, 2022: West Garo Hills a•jani dam 11 elakkarango Model Code of Conduct (MCC)-ko ra•gatanichi a•jao tom•tome eleksin-ko ong•atna, District Eleksin Officer a•jani pilak manderangko mol•molataha.
“Indian Penal Code-ni Section 171-B-o janapani gita, darang mandeni tangka on•ako ra•chakna nangja. Tangka ra•chakako rim•a man•genode bilsi sana pattoko chipgen aro dai gamna nanggen ba dai gaman baksa pattokoba chipatgen ” ine u•iataha.
Uasan ong•aigija Indian Penal Code (IPC)-ni 171-C-o janapani gita, Darang mandeba Candidate-ba ka•mikkenate aro dagrange vote pu•onatna man•jawa. Rim•a man•mode bilsisa pattoko chipgen aro dai gamna nanggen ba dai gaman baksa pattokoba chipgen ine u•iataha.
Indaka kamrangko nirok sandina gita ‘Flying Squad’ aro State Surveillance Squad-ko donaha ine parakataha.
Tangka on•gipa aro ra•chakgipa manderangko u•igenchimode, Complaint Monitoring Cell-ni toll free number 03651-222001 aro mobile number 9233473074-ona call ka•e u•iatna gita man•gen.
Eleksin Commission-ni ge•etani gita, District Eleksin Officer, West Garo Hills a•jao darangba gong hajar 50-na bate tangkarangko eleksin-ni somoio ra•bitjachina didiataha. Uni gisepon saoba tangka ra•bitako rim•a man•ode aro rongtale talataniko on•na man•jaode, Eleksin Expenditure Monitoring-ni Flying Squad ba State Surveillance Squad tangkarangko ra•sekna bil donga.
Document-rang, jekai PAN card Xerox, Business Registration Card, salanti tangka bikotna nanggenchimode Cash Book aro bikotgimin tangkarangko maina jakkalaha uni sakkiko mesokna nanggen, jekai biarango jakkale koros ong•aha ba hospital-o sanna bananio koros ong•aha, uandakgipa sakkirangko mesoke, Flying Squad ba State Surveillance Squad-ni tangka ra•sekaoniko naljokna man•gen ineba koborna u•iataha.