Damas-ona C&RD Block-na District Administration-ni gita biapko u•iatsoe sandie kam ka•anira kraani aro kusi ong•ani kata ongchongmota: Digros Shira
Resubelpara, March 14, 2022: Robibar salo Rongrong-ni MDC Rinaldo K. Sangma-ni Resubelpara, Community and Rural Development (C&RD) Office-ko Damas-ona ra•jitangna miksonganiko jegale seatgipa kattana Damas, Dainadubi, Bangsi A•pal jolchipak songdongenggipa manderangni suk ong•gijaniko Digros D. Shira parakatskaha.
Rongrong MDC Rinaldo Sangma-ni kattana, Digros Shira aganchakatengon, C&RD Block-ko Rural areanasa ba District HQ-oni chel•begipa songrangna nangbatchenga, Damas aro uni samtangtango donggipa songrang Resubelpara District Head-Quarter-oni chel•kalgipa NGH a•jani damsa ong•a aro uni samtangtango song dam 70-na baten donga, uni gimin, Damas-o gital C&RD block-ko dongenchimode, songni manderangna namgipa chol aro bilongen dakchakani ong•gen,”Damas aro uni samtangtango donggipa songni manderang baditan neng•skime chel•begipa songrangoni Resubelpara block-ona re•ruraenga, uni gimin District Administration-ni ia kamko ja•ku de•anina Damas aro uni samtangtango donggipa songrangna namen kusi ong•ani katta ong•a, indake uni gisepon Rinaldo K. Sangma saksa seokako man•gipa dilgipani kattara Resu areanasan chanchia baksana Damas area-naba sanalgija batesa gital block-ko dabina chanchia gnang kattako agangenchim ong•ode, kraani ong•batgenchim, maina pilak area-ba jolnan Development-ko nanga, District-ko demand ka•anioba district-ni pilak jolni manderang jak on•paha aro pilakan Resubelpara-ko District HQ donana rasong chaa, maina an•chingde A•chik ska aro District apsannin manderangan onga” ine Digros Shira aganangdapaha.