Tura, March, 2022: Garo Hills-ni gital party RPI-Republic Party of India (A) ni tom·bimonganiko re·anggipa sonibar salo Dalu Block-ni ning·o BRPIC- Block Republic Party of India Committee dolko bikotenba re·baenggipa 2023 eleksin-o susanagita chanchirimaniko dakangaha. Chu·gimik tom·bimonganiona dingtang dingtang gadango dilgiparang jekai General Mahila, Youth ni dilgiparang aro gital party ona napbagipa songni manderangba tombimonga-o dongchape jak onpaaniko parakangjolaha.
Re·baenggipa 2023-ni eleksin-o Dalu constituency-oni susana gita RPI Garo Hillsni President Pa Panseng Marak an·tangan susaniko dakna kang·kare kae, chu·gimik on·kangan baksa ku·cholsan kam ka·na jinmana parakatanikoba dakangjolaha. Apsan daken RPI-ni General Secretary Pa Jim Curtel Sangmaba mikangchi jinmani namgnina aro A·chik a·songko kakketgipa kamchi tang·doani rama ona dilna gita nambate kamrangko ka·anggen aro gital party-ko nokdangsan ong·e bimang ong·atna ine ku·patian baksa ku·monggrikaniko on·e RPI-ko jinma baksa namnike ra·chakangaha.