Cheristerfield Thangkiew-ni report-ko September jani Autumn session-o ra•gatgen

Shillong, August 7, 2022: Gitcham bobil dolni dilgipa Cheristerfield Thangkiew-ko so•otani bidingo sing•sandie man•gipa report-ko September 9 tarikni Autumn session-o chanchianiko dakgen ine u•iataha.

“Sur Ka Ri U Hynniewtrep” dol Sonibar salo Shillong Main Secretariat Office mikkango jingjengataniko dakangaha, indake uamangni jingjengatanina a•dokni Deputy Chief Minister Preston Tynsong, re•baenggipa Autumn session-o chanchianiko dakanggen ine u•iataha.
“Autumn session-ko September 9 tarikoni a•bachenggnok, indake Cheristerfield Thangkiew-ko so•otani bidingo chinga report-ko ra•gate session-ni skanggipa salon chanchirimaniko dakanggen. Anga Cheristerfield Thangkiew-ni bidingo jinmana parakna skang tale sing•sandianiko nangnikaha, indake sal somoi sokjoko kakketgipa obostako jinmana parakanggen” ine Preston Tynsong u•iataha.

Re•anggipa May 20 tariko kamoni neng•takgimin Chief Justice T Vaiphei sing•sandianiko dakdilahachim, uni sandie man•gipa chu•gimik sakkiko pakwatangaha.
Tynsong-ni u•iatani gitade, ia inquiry report-ko Assembly House-o ta•rakbate chanchirimaniko dakangna man•chenggipa ong•gen. Chinga ia obostani gimin House-o chanchianiko dakchengesa jinmana parakna man•gen ineba u•iataha.