Shillong, Oct 7, 2022: Meghalaya TMC State President Charles Pyngrope, jingjengatenggipa skgiparangni kosako MDA sorkarini ong•gija chadrapaniko raken jegalataha.
“Anga Bristibar salo a•sel ong•aniko knae suk ong•ja. Jingjengatenggipa contractual skigiparang aro uamangni nokdangni manderang Secretary Office-ni a•palo jegalaniko dakengon, a•dok sorkari kragija uamangko kal•ake dukko on•aha. Sorkari skigiparangni kosako nama bewalosa, skigiparangko mande ra•na nanga, indiba batesa skigiparangni kosako ka•saninggija kamchi mesokaha, ua a•sel ong•anio skigiparangni nokdangni manderangba dongpachim” ine Pyngrope sorkarini kamna suk ong•gijaniko parakataha.
Indakgipa sorkarini kamara ra•chakna amgijani ong•a. “Angni gisik ka•tong gimikchi skgiparangna suk ong•chakja, ia obostao ga•akgipa skigiparangni nokdangni manderangna aro uamangni dedrangna aiao inmanpile duk ong•chaka. Ia a•sel pulisrangni ka•saninggija rang•gitik tear-gas ba mikronko sa•dikatgipa wal•kurangko galdape chadrapanio bi•sarang dongpae saknaako man•tokaha” ine TMC dilgipa MDA sorkarini kamko jegalataha.
“Mikkangchi indakgipa kamrang aro a•selrang ong•taina nangja aro niknaba sikja. Sorkari ia chu•gimik daitoko ra•e, kema bi•na nanga aro skigiparangni dabianiko knachakna nanga” ineba Pyngrope didiataha.
Apsandake, Meghalaya TMC Students’ Union-ni State President Bansharailang Pyngrope, MDA sorkarini kamko jegalenggipa skigiparangni kosako tear-gassed watmitting somoio skigiparangni sepangona sokahachim.
“Chinga da•alo indake chadrapgen ine maming chanchisoani dongja aro skigiparangko chadrapgen chanchisoja, chinga da•alo skigiparangni dukna chu•gimik chakpaaniko on•na sika. Ia a•sel chingna rang•san dukni aro jagokmanpilani ong•a. Skigiparang jasa bate jegalaniko dakengon, indakgipa obosta ong•aniko nikkujachim. Sorkarini ge•etako man•ne, pulisrang jegalenggipa skigiparang, chadamberang aro bi•sarangni kosako chadrape tear-gas-ko galdapani a•sel bang•a saknaaniko man•tokaha. Ian a•dokko chalaienggiparangni kam ong•a. Chinga sorkariko sing•na sika, ia a•sel ong•ani chu•gimik daitoko sawa ra•skagen” ine Bansharailang Pyngrope sorkario sing•doangaha.