Assam-BJP sorkarini kamko MLA Zenith Sangma jegala

0

Tura, December 29, 2022: Meghalaya Trinamool Congress (TMC)-ni dilgiparang BJP dolni rikenggipa Assam sorkarini kamko jegalataha.
Assam a•dokni Special Branch, Assam aro Meghalaya a•doko bilsi 6-ni gisepo badita sak manderang Kristian toromo napaha, badita ge gitalgilja nokrangko rikaha, a•doko badita ge gilja nokrang dongahachim, uarangni bidingo sing•sandianiko dake kobor on•china ge•etaha.

Tura TMC Office-o Press Conference-ko ong•ate, “BJP dolni dilgiparang an•ching Kristian toromni tom•tome olakkianiko kajia ka•na ja•ku de•enga. Chinga TMC-ni dilgiparang, Assam sorkariko chalaienggipa BJP-ni kamko raken jegala aro chinga a•doko tom•tomaniko tangkame rakkina raken kamrangko ka•anggen. BJP sorkari bang•a a•dokrango Kristian toromko chonnike aro kal•steke roaniko an•ching nikna gita man•enga. An•chingni North East a•dokrango indakgipa obostarangko knarongjachim, indiba jensalo BJP Assam-o sason ka•aha, an•ching a•dokoba indakgipa obostarangko nikna gita man•engaha. Uasan ong•aigija, BJP dolchi sason ka•enggipa bang•a a•dokrangon, a•songni dongimin niamni kosako ong•gija kamrangko ka•enga. An•chingni Ma•gitcham Pagitchamrang, name chanchiesa jinma apsan ku•mong nangrimesa a•songni niam-retti-rangko tariaha, indiba da•alo BJP-ni dilgiparang niamni kosako re•enga” ine Zenith Sangma BJP sorkarini kamko jegalataha.

Leave A Reply

Your email address will not be published.