Tura, Feb 16, 2023: BJP Tura City District Committee-ni dilgiparang aro Tura-ni MDC, pilak songni Nokmarang aro dingtang dingtang gadango songko nokko aro dolko dilgiparang, toromko dilgiparang, ma•a-paarang aro chadamberangko mol•molataha.
Chong•motan da•al February 16 tarik Bristibar salo India a•songni dilgipa aro Union Home Minister Amit Shah Tura Don Bosco kal•chakram biapona attamni 4 bajio re•bae, jinmana tom•bimonganiko ong•atenga. Uni gimin sakantian dikdiksa an•tangtangko naljokate bakko ra•epachinaTura-ni BJP MDC Bernard N.Marak mol•molataha.
BJP-ni miksongani, nipilani aro ku•rachakanirangko knae ra•rikpachina gita sakantiko mol•molatenga.
Indake attamo joljol Garo Hills-o mingsinggipa git ring•rakgipa, dokna dam•na changgipa “Riprap” aro gipin dolrangni Concert donggen ineba parakataha.