A•gilsako robol kal•anina mingsinggipa Brazil a•songni Pele a•gilsakko watanga 

0

CNN News, Dec 30, 2022: A•gilsak gimiko Football kal•anio mingsing minggamako man•gipa Brazil a•songni robol kal•na changgipa Pele Bristibar salo a•gilsakko watangaha ine koborna parakataha.

A•gilsak gimikni Ma•ambio (History)-o robol kal•susaanio mingsingako man•gipa Brazil a•songni Pele bilsi 82 ong•ani ja•mano an•tangni ka•sabegipa jik dedrang, su•drang aro mahari ma•drangko wate jringjrotna neng•takram biapona re•angaha.

Pele-ni sianina Brazil a•songni manderang kalime duk ong•aniko dingtang dingtang news agency-rango parakataha.

Brazil a•song robol kal•susaanio chang 5-na kingking FIFA World Cup-o chegipa ong•e, mingsing minggamako man•aha. A•gilsak gimiko Brazil a•song gita FIFA World Cup-o chang 5-na kingking chegipa darang a•songba dongkuja, a•gilsak gimiko FIFA World Cup-o kal•susae Germany a•song chang 4, Italy changbri FIFA World Cup-o cheaha, indiba Brazil a•songko darang a•songba FIFA World Cup-o ga•changbatna man•kuja.

Brazil a•songni skigipa aro a•songna mikkim ra•songko ra•bae, mingsing minggamako man•ne donanggipa, Brazil a•songni football-ni raja da•alo a•gilsakko watangoba, uni dakmesokanggimin changga sapaniko Brazil a•songni football kal•giparang aro a•songni manderang ja•rikangkugen ine songbad-rango parakataha.

Uni siani salko Brazil a•song gimikni pilak sorari office-rang, skul aro kolej-rangko chipate dal•begipa manianiko dakangaha ineba koboro parakaha.

Leave A Reply

Your email address will not be published.