Tura, Dec 21, 2022: All Garo Hills SSA Skul Teachers’ Association (AGHSSASTA-CB) changni chang SSA Skulo skigiparangni dormaharangko on•china dabiengon, a•dok sorkari knachakteljani gimin, December 22 tarik Bristibar salo Tura-o donggipa Chief Minister Office mikkango jingjengataniko dakna tik ka•giminko ra•galpilaha ine u•iataha.
Kristianrangni dal•batgipa maniani ba kusini somoio tangka paisa dongjae dukko man•enggipa SSA skulni skigiparangna ja 3-ni dormahako on•gnok ine ku•rachakatani ja•mano AGHSSASTA-CB chanchianiko dake, jingjengatna tik ka•giminko dontongatpilaha ine AGHSSASTA-CB-ni Publicity Secretary Bunbunbirth R.Marak u•iataha.