Tura, May 22, 2022: May 21 tarik Sonibar salo Garo Hills Merchants’ Association (AGMA), Rongjeng Regional Unit-ko songaha ine u•iataha.
Ia tom•anio AGHMA HQ, Tura-ni dilgiparang dongpae bakko ra•angaha.
Adita tom•e chanchirimani ja•mano Rongjeng Regional Unit-ni dilgiparangko seokangjolaha. Indake gital seoka man•gipa, Rongjeng Regional Unit-ni dilgiparanga Upperson Momin President, Dalmen Momin Vice-President, Benjamin Sangma General Secretary, Lewin Sangma Joint Sangma, Ballon Sangma Treasurer aro Bilgo Momin Accountant.
Koborna u•iatani gitade, AGHMA Garo Hills gimikon Unit-rangko songaha, jedakode bilakbate kamrangko ka•na man•gen.
AGHMA-ni mongsonggipa miksonganiara a•songtangni manderang a•songtangon bading chiwale cholichina, jedakode, Garo Hills-o bading chiwale cha•gipa manderang cholina man•pagen. Gipin jatrang niam gri Garo Hills-o nappriprae bosturangko ra•jojoe palanirangko aro bading chiwalaniko champengna AGHMA raken kam ka•enga ineba u•iataha.