Guwahati, February 22, 2022: Kobor man•soani gitade, Guwahati Crime Branch aro Basistha Pulis dol nangrime Meghalaya-ni sakgittam manderangko Guwahati Kanapara-o rim•aha aro uamangoniko gong lak 15 asol dake tarimikgipa tangkarangko man•aha.
Rim•a man•gipa sakgittam manderangara AHAM-ni gitcham President Champion R.Sangma, Gohan Sangma aro Cherian Momin ong•achim aro uamang sakgittaman Garo Hills-oni ong•achim.
Guwahati Crime Branch uamangoniko sandimitting somoio jola ge•saoniko gong hal 10 asol tangkarangko lekka gipoko romrome ra•bitako man•aha ineba parakaha.
Indake Crime Branch, uamang sakgittamko rim•ange sing•sandianiko dakanio inter-state sima ari jolni salgro salamram a•dokrango indakgipa kamrangko sruk sruk namedaken ka•enga ineba ma•sina man•aha. Unbaksana bolero gari bolsakoba uamangoniko man•aha ine Crime Branch parakaha..