Tura, April 25, 2023: Re•anggipa Assembly eleksino 44-Raksamgre elakkao Republican Party of India (RPI), candidate ong•e susagipa Thoseng Cheba A.Sangma RPI-oni ong•kataha ine koborna u•iataha.
Thoseng Cheba A.Sangma-ni parakatani gitade, re•anggipa February 27 tariko ong•atanggipa Assembly Eleksino RPI candidate ong•e, Raksamgre elakkao susaaha. Indiba chena gita man•jaha u•iataha.
“Na•a RPI-o nape, maina da•o party-oni ong•katenga, RPI party-o donge kam ka•angkuna nang•o maiba neng•nikani dongama” ine sing•anina aganchakengon, “Anga RPI party-o donge, maming namgniko man•ja aro ia party maming ku•mongrimani dongja. Unbaksana A•song Chigako namdapatna sikani ia party-o dongja. Anga an-•tangde, a•song aro jatna dangdike on•na aro namgniko ra•bana miksonganiosa RPI party-o napachim. Indiba ia party maming dakchakaniko on•jaha. Uni giminsa, anga RPI party-o dongna suk ong•jae, ong•kataha aro ia party-o donge, anga jat aro a•songna maming namgniko on•na man•jawa” ine Thosrng Cheba Sangma kobor ra•timgiparangna parakataha.