Shillong, April 10, 2023: Meghalaya a•dokni Health Department, C&RD block aro gipin ge 4 Department-rang Utilisation Certificate (UC)-ko Comptroller and Auditor General (CAG)-na on•ja, unbaksana sokbagipa fund-rangko jakkalangni bidingo chu•gimik talataniko on•ja ine parakataha.
CAG, a•dok sorkarina u•iataniko on•genoba, ia obostani bidingo nirok sandichina ge•etangaha. Una agreba Finance Department, PAG (A&E)-na somoi gita UC-rangko on•china ge•etaniko on•angaha.
CAG-ni parakatani gitade, Meghalaya a•dokni ge-6 Department-rang, jemangan Utilisation Certificate (UC) aro Grants-in-Aid-ni percentage-ko chu•onga gita segatkujagijagipa Department-rangara, Community and Rural Development, gong 1137.40 kror, 47.92 percent, Planning Department (457.58 kror, 19.28 percent), Health and Family Welfare (272.22 kror, 11.47 percent), Social Welfare Department (198.99 kror, 8.38 percent), Education aro Human Resource Department (171.78 kror, 7.25 percent), Border Area Development Department (37.36 kror, 1.57 percent)-rang ong•a.
Utilisation Certificate (UC)-na sokbagipa fund-rangko, nanga kamrangna jakkalama, gipin kamrangna jakkala, uko u•ina gita man•kuja ine CAG u•iataha.
“Department-na sokatgipa fund-rangko jakkalgija bank-onikon bikotgija donengama, gipin kamrangna jakkale bon•ataha. Utilisation Certificate gri maming dakeba ma•sina gita man•ja” ine parakataha.
Meghalaya Financial Rules, 1981-ni Niam gita 515-ko segatani gitade, je kamnan grant-rangko on•ahachim, ua kamna mangmangsan tangka paisarangko jakkalgen aro somoi gita kamrangko matchotatna nanggen ine sea gnang.
Sorkarini Grants-in-Aid-ko ra•chaksoenggipa Grantee Institution, Utilisation Certificate-ko chu•onga gita cheke nirokchengesa countersigned ka•e, soi ka•e Principal Accountant General (A&E)-na mesokna nanga.
Grants in Aid-ko chamatgipa kamrangna jakkalaha ine sakki on•na UC-ko mesokna nanga, jedakode gipin kamrangna fund-rangko on•skana man•gen.
UC-ko man•sojagenchimode, account-o mesokgimin expenditure-rangko ra•chakna man•jawa ineba CAG parakataha.