Shillong, March 25, 2023: Voice of the People’s Party (VPP) dolni Padot Ardent Miller Basaiawmoit, “Rodent System-ko a•dokona ra•gatanichi, poraia matchote kamgri roenggipa Khasi aro Jaintia chadamberang nosto ong•ako man•enga. Iako jegale, chinga sorokona ong•kate tom•aniko ong•atanggen” ine parakataha.
Kobor ra•timgiparangna aganengon, ‘chinga ia obostani bidingo jinma baksa chanchirimaniko dakna aro mikkrakataniko on•na nangchongmota’ ine aganaha.
“Roster System-ko ra•gatanichi a•dokni chadamberangko chinga nosto ong•na on•jawa. Da•al salni budget session-o, Opposition dolni agananiko sengsrapgija, Speaker Thomas A Sangma session-ko matchotatani bidingo, anga suk ong•jaha” ineba Basaiawmoit aganaha.
Basaiawmoit-ni aganani gitade, Assembly Speaker session-ko bon•atna aro ra•doatna gita Opposition dolni nangnikarangko sing•sandina nanga. A•doko ian skanggipa changna budget session-ko sal 7-na mangmang ong•ataha. Indake sal 2-de bading chiwalani bidingo agangrikani ong•a. Chinga MLA-rang bang•a sing•anirangna aganchakanirangko nangnika.
“A•dokni manderang jatni namgnina ku•rangko on•china, chingko seokaha. Uni gimin chinga a•doko jatni namgnina kamrangko ka•anggen aro indinari asonge somoiko re•atjawa. A•dok sorkari nangchongmotgipa motion-ni bidingo jera ra•grikna gita am•enga ine ma•sia. Anga Roster System-ni bidingo aganangen ine anga see on•aha. Sorkari an•tangni dakna nanggni kamrangko gelenga. Indiba chinga uamangko kamrangoni geldrakna on•jawa. Chinga ia system-ni bidingo jinma apsan nama aro namgijako agangolpogrikna miksonga, indiba uamang chingni aganako nangnikja” ine aganaha.