Nengkong jolrango Airtel Network namjani a•sel neng•nikaniko man•enga:Matsram 

Baghmara, Mar 19, 2023: South Garo Hills a•jani Social Activist Matsram N.Marak, South Garo Hills a•jao donggipa Nengkong, Chibe jolrango Airtel Network aro Internet Service-rangko tik ong•e watjaengani a•sel bang•a nangchongmotgipa kamrangko ka•na namen neng•nikaniko man•enga ine u•iataha.

Ia chasongo pilak kamrangkon internet gita ka•na nangani gimin internet service namjaode kam ka•na man•ja. Uni gimin internet service-ko tik ong•e watna nanga. Uni gimin Nengkong, Chibe jolni manderangna internet service-ko name watpachina technical Engineer-rangko mol•molataha.

“Chinga ia Network ba Internet Service-ko indin jakkaljaenga, chinga an•tangtangni tangka paisarangchisa, recharge ka•e jakkalenga, uni gimin ia network-rangko complaint kataitaina nangjana gita tik ong•e watpachina aro Consumer Court-rangona sokatna nanggija nama bewalo wate on•pachina mol•molatenga” ine u•iataha.