Tura, January 10, 2022: India a•songni Fishery, Animal Husbandry aro Dairy-ni Union Minister, Parshottam Rupala Tura-ni Ganol-o donggipa Dairy Farm-ko Sombar salo re•ange nieaha.
Union Minister January 9 tarikoni 10 tarikona Garo Hills a•jao donge kamrangko ka•enba re•roroe nianggen. Ua Monggolbar salo South West Garo Hills a•jaona re•ange, ma•mong sorkarini sokatgipa Scheme-rangko maikai jakkalenga aro kam ka•enga, uarangko nipilangtaigen.
Union Minister Ganol-o donggipa Dairy Farm-ko re•ange niengon, a•dokni Directorate of Dairy Development-ni Director LS Shangpliang 10,000 Capacity chakgipa gital rikenggipa Dairy Plant-ni bidingo agantalatangaha. Dongenggipa Dairy Plant-rang 8,000 capacity-san dongaia. Uandake dud aro dudni rokamanti cha•anirangko tarina gitaba dud man•ani krisa tarina man•a.
Union Minister Parshottam Rupala-ni re•ange nianio, Minister-ni Private Secretary, Ram Singh unbaksana Assistant Private Secretary Malikha Pandey dongpae bakko ra•angaha.
West Garo Hills a•jani Deputy Commissioner Swapnil Tembe, WGH a•jani Animal Husbandry aro Veterinary Officer Dr Alleana R Marak, Fisheries-ni Superintendent Incharge Risha Ch Sangma, Dairy Development-ni Assistant Director Wilda Ch Marak, Directorate of Dairy Development-ni Officer-rang, a•jani Dairy Farmer-rang, Union Minister-ni re•ange nianio bakko ra•angaha.