Tura, Dec 21, 2022:A•dok gimiko Meghalaya Financial Inclusion for Women Empowerment (MFI-WE) Scheme-ko gipatna krenge kamko ka•engon, ia dal•begipa program-ko Meghalaya TMC jako ra•e kamko ka•anichi, a•dok gimikchi sokatna man•engaha ine koborna u•iataha.
Meghalaya a•dok gimikni me•chikrang TMC-ni a•bachengatgipa MFI-WE Scheme-o sak hajal 40,000-na bate bimingtangtangko segattokaha.
Ia registration ka•aniko Online gita ka•a baksana offline gitaba Garo Hills-ni ge 24 elakkarango, WE Card-na registration ka•aniko a•bachengataha. Ia registration ka•aniko Meghalaya TMC-ni Volunteer-rang songantiona re•ange, songni manderangna MFI-WE Scheme-o enroll ka•ataniko dakdile on•enga. Bang•a me•chikrang TMC-na chakpae an•tangtangni membor ong•aniko mesokna WE scheme-o registration ka•tokaha.
Indake ong•engon, Williamnagar jolni bang•a me•chikrang enroll ka•e, kioks-ni gita membor ong•pae, mikkangchi Me•chikrangko bil gnangatna an•tangtangni kakket ong•aniko mesokna registration-ko ka•tokaha. Ia WE, Scheme-o Rongrenggre elakkani ning•o ga•akgipa, Samanda Megapgre, Nengkra, Gonggnagre, Balsrigittim booth-rango me•chikrang bang•bate registration-ko ka•tokaha. Ia scheme-o registration ka•na gita TMC-ni volunteer-rang nokni do•ga ge•antiona re•ange registration ka•aniko dakdilangaha ine koborna u•iataha.
Apsandake, South Tura elakkaoba bang•a me•chikrang MFI-WE Scheme-o enroll ka•tokaha ine u•iataha.
Meghalaya TMC-ni dilgiparang a•dok gimikon, ia scheme-ni namgniko nokdang ge•antion on•na gita rakbee kamko ka•enga. Indake ia nambegipa kamko Meghalaya TNC-ni dakaniara a•dokni me• mikkangchi bilakbatna aro niksengatna miksongani ine parakataha.