Resubelpara, November 8, 2022: North Garo Hills a•jani ning•o donggipa Bajengdoba CHC-ko Health and Family Welfare-ni Minister James Sangma Sombar salo oprake on•angaha.
Ia Bajengdoba CHC-ko oprake on•anio a•dokni Health and Family Welfare Minister James Sangma, Bajengdoba elakka-ni MLA Pongseng R.Marak, Deputy Speaker aro Resubelpara elakka-ni MLA Timothy D. Shira, Kharkutta elakka-ni MLA Rupert Momin, Bolsrong-ni MDC Crozier Momin aro nominate ka•ako man•gip MDC Aldo A Sangma bakko ra•angaha.
James Sangma jinmana aganprakengon, “Anga bilsi 32 ong•gipa Primary Health Centre (PHC)-ko Community Health Centre (CHC)-ona tang•dodapate on•na man•ani gimin kusi ong•a. Anga MLA Pongseng Marak-ko uni kamna mittela aro kusi ong•a. Uni rake kam ka•anichi ia kam chu•sokaha” ine ua aganangaha.
Uasan ong•aigija Health Sector-o MHIS Insurance-ko gong lak 5-oni gong lak 5 hajar 30-ona tang•dodapataha. ASHA-o kam ka•enggiparangna Online Payment Portal aro Health Centre-rangko namdapatna gong lak 8 tangkarangko on•ataha. Unbaksana, Health Worker-rangko namdapatna trainingko on•na gitaba Tamil Nadu sorkari baksa MoU-ko soi ka•aha ine Pa Sangma aganangaha.