Williamnagar, December 10, 2021: East Garo a•jani Songsak Pulis Station aro Dagal OGC-ni pulisrang dolgni bakrime am•sandianiko dakenba ra•seke ra•enggipa sak 3 dakait dolni manderangko Songkama songniko rim•aha ine East Garo Hills Pulis online page-o parakaha.
Pulisrangni paraka gitade, ra•seke ra•gipa dolo sak 5 manderang gnang, uamang pangnan Songkama gita napake songreanggipa gipin jatrangoniko tangkarangko ra•sekdrae ra•engachim.
Pulisrang uamangni ra•sekdrae ra•engako ning•il ning•il kobor man•soe bakan am•sandianiko dakna a•bachengataha aro indaken ra•seke ra•enggipa sak 3 manderangko rim•na gita man•aha.
Rim•a man•gipa sakgittam manderangara Nengman G.Momin, Sengkush G.Momin aro Bulbirth B.Momin ong•achim. Uamang sakgittaman Gabil Bisa Rongmil songoni ong•achim. Uamangoni sakgnide andalgipa buringchi kate jokangaha ineba parakaha.
Uamang pangnan attam 6 bajimango ra•seke ra•rongengachim. Adita salrangna skang adita sak manderangoniko apsan somoio aro apsan biapon ra•seke ra•aha. “Chingni chanchichipani gita uamang apsan dolan ong•na nanga”. Uamangko namedake sing•sandianiko dakna gita Songsak PS-ona ra•baha ineba parakaha.
![](https://kosisongbad.com/wp-content/uploads/2021/12/ks_profile.jpg)
Kosi Songbad is a Garo Vernacular Newspaper based in Tura, West Garo Hills District, Meghalaya. The paper focuses on imparting information on various propagandas and issues related to Garo Hills.