Tura, November 6, 2022: United A•chik Frontier Organization (UAFO) dol GHADC-ni CEM-na lekka sedoatenba, Seperate Electoral Roll (SER)-ko ra•gatchina dabiangaha.
UAFO-ni janapatani gitade, “Assam, Meghalaya, Tripura aro Mizoram a•dokrango Autonomous District Council (ADC) gnang. Indake a•songni see rakkigipa niamrangoni Article 244 (2) aro Article 275 (2) Tribal manderangna namen gamchatbegipa ong•a. Sixth Schedule-ni gita, District Council jatni niam retirangko tange rakkina kamrangko ka•a aro District Council-o kam ka•na gita an•ching MDC-rangko seoke watatronga. MDC-rangko seokengon, pangnan Tribal jatrangkosan seokna man•aia, Non-Tribal ba gipin jatrangko seokna man•jawa aro uamang eleksino bakko ra•na man•jawa ine janapa gnang. Indake ong•engon, Non-Tribal-rang Council-ni eleksino bakko ra•genchimode, uan a•songni niamko pe•a gita ong•a. An•ching Meghalaya a•doko ge•gittam Autonomous District Council-rang gnang KHADC, JHADC aro GHADC. Indiba KHADC aro JHADC-o darang Non-Tribal-koba ra•napa dongja, uamang jattangkosan eleksinoba susana on•aia aro jattangkosan seokaia.
GHADC-ko niatgenchimode, Non-Tribal-rangan MDC eleksino bakko ra•e chegipa ong•e, Council-ni Member ong•e dongenga” ine UAFO parakataha.
Uni gimin, GHADC-o Non-Tribal-rangni bakko ra•na man•aniara batanggimin somoirango dilgiparang an•tangtangna vote tarina a•songni niam retiko pe•ani a•sel ong•a. Indiba da•alo an•chingni dilgiparang ong•gija jakkalenga. Garo Hills-ni bang•a Organization-rang ia kamko jegale changni chang SER-ko ra•gatchina dabienga, indiba dilgiparang an•tangni namgnina mikboke knachakjaenga.
Uni gimin GHADC-na SER-ko nangchongmota, mikkangchi District Council-sa A•chikni niam retirangko tange ripingna kam ka•na nanga. Uasan ong•aigija Non-Tribal-rangko GHADC-ni eleksino bakko ra•na cholko on•na nangchongmotja, maina ian a•songni niam retiko pe•ani ong•a ineba janapataha.