Tura, November 1, 2022: Garo Students Union (GSU) Central Executive Committee (CEC) HQ Tura-ni Assistant General Secretary Salman D Sangma, NEHU-ni Vice-Chancellor-na lekka sedoate, LLM Program-na chatro chatrirangko ong•gija dake seokaha ine jegalataha.
Salman Sangma-ni janapatani gitade, “NEHU-o LLM poraina seoka man•gipa chatro chatrirangni list-ko October 26 tariko parakataha. Maini gimin Seokako man•gipa chatro chatrirangni list-ko parakatani konta 2 ja•man, parakatgimin list-ko den•galpile gital list-ko on•taiaha. NEHU-ni Prospectus-o janapani gitade, Educationally Backward Area (EBA) Certificate-ko on•gipa chadamberangna 20 mark-rangko on•dapgen ine janapani gnang. Indiba LLM Department-o ia niamko ja•rikjaha aro mitam chadamberangna 20 bate mark-rangko on•dape uamangko seokaha. Je chadamberangan skanggipa parakatanio waiting List-o dongachim, uamangoni mitam chadamberang EBA Certificate-ko on•giparangna donsogimin 20 mark-rangna bate on•enba gnigipa list-o seokangskaha” ine Salman Sangma parakataha.
Uni gimin chatro chatrirangko namedake chekesa seokaniko dakna nanga aro man•na kragipa chadamberangkosa seokna nanga ineba GSU dabiangaha.