GSMC Babadam Regional Unit, PWD road-ni Executive Engineer-na lekka sedoata   

Tura, Sept 22, 2022: Garoland State Movement Committee (GSMC) Babadam Regional Unit, September 21 tariko PWD Roads aro National Highway cum Central Division-ni Executive Engineer-na Dadenggre elakkani ning•o donggipa Ampanggre songni PMGSY ramako ru•uta bilsirangna galchipe donengani gimin, ia PMGSY ramako taripile on•taichina lekka sedoataha.

GSMC Babadam Regional Unit-ni Environmental Secretary Silbirth A.Sangma-ni u•iatani gitade, changni chang lekka sedoatoba da•alona kingkingba ia Ampanggre songni PMGSY ramako chu•sokate ba taripile on•kujaenga.

Ia rama namjani a•sel songni manderang re•a doanio namen neng•nikaniko man•engaha. Uni gimin ia PMGSY ramako ta•rakale tarie on•china PWD Roads, NH cum Central Division Executive Engineer-ko mol•mole lekka sedoangaha ine koborna u•iataha. sedoataha.