Tura, September 13, 2022: A•chik Holistic Awakening Movement (AHAM) Southern West Zone, Ampati SWGH a•jani Deputy Commissioner, Betasing C&RD Block-ni Block Development Officer (BDO), SWGH a•jani District Rural Development Agency (DRDA) Project Director baksa DC office-o tom•aniko ong•ate, Betasing C&RD Block-ni ning•o kam ka•enggipa PMAY-G Scheme-rangni bidingo chanchianiko dakangaha ine koborna parakataha.
“Ia tom•anio Betasing C&RD Block-ni Block Development Officer (BDO) PMAY-G Scheme-ni bidingo talate on•angaha. Maini gimin Ichakuri songni sak 55 beneficiary-rang skanggipa priority list-o ga•akanga aro maini gimin PMAY-G Scheme-ko dam 17 songrang ba VEC-rang man•rikjaha, uni bidingo sing•aniko dakangaha. BDO-ni talatani gitade, India a•songni sorkari ST/SC-rangna 60%, General Category-na 40%- o pangchake PMAY-G-ni beneficiary-rangko seokaha. PMAY-G Scheme-ni bidingo Gram Sevak, VEC Secretary, Gaubura aro VMC chanchianiko dakenba, Gram Sabha-ona ra•ange soi ka•e Block-ona ra•ange on•ena nanga. PMAY-G-na beneficiary-rangko uamangni (level of status) scores-o pangchake seokanga. PMAY-G-na beneficiary-rangko seokengon, uamangni score (level of status)-o pangchake seokgenchimode, dal•a score-ko man•gipa beneficiary-rangko maina skanggipa priority-o donatja, uni gimin chinga AHAM iako raken jegala aro kakketko ja•rike ia scheme-ko man•na kragipa sak 17 VEC-rangsa on•na nanga” ine AHAM Southern Zone-ni General Secretary Wester G Sangma dabiangaha.