Nongpoh, August 20, 2022: Nongpoh-o auto-rickshaw bolsa truck baksa chatinggrikanio sakgni manderang saknaako man•aha ine koborna u•iataha.
Ia a•sel ong•anio saknaako man•gipa manderanga Pynshngain Marbaniang aro sakgipinni bimingko ma•sikujaenga ine u•iataha. Uamang sakgniko sanna gita Nongpoh Civil Hospital-ona ra•angaha.
Ia a•sel attamni 5 baji mango ong•aha. Indake a•sel ong•ani bakan truk driver ua biaponi gari sale katangaha ine kobor man•aha.
Ia a•selni bidingo pulisrang sing•sandianiko dakenga ineba u•iataha.