Baghmara, August 4, 2022: Chokpot-oni Khakiza-ona re•gipa rama namsrangjani gimin bang•a songni manderang neng•nikaniko man•enga.
Songni mande saksa D Ch Marak Songbadna jachipchang de•e watatenba Chokpot Khakiza ramani obostako mesokataha.
Marak-ni u•iatani gitade, ia ramako salanti re•ruraenggipa manderang bang•a neng•nikaniko man•enga. Tura-ona re•gipa bus gari km 7 mangna namgijagipa ramako re•na namen neng•nikenga, unbaksana chonchongipa garirang re•na man•gija naptomenga. Ia obostani bidingo songni manderang bil gnanggiparangna aro Sub-Divisional Officer-na u•iatahachim, indiba uamang gisiko nangja ine suk ong•gijaniko parakataha.