Tura, Aug 4, 2022: Monggolbar walni 8:30 bajimango buringni mongmarang Borogobal songona napbae saksa bilsi 50 ong•gipa Amin ba Raibak Rabha-ko doke siataha. West Garo Hills a•jani Tikrikilla Pulis Station-ni ning•o donggipa Borogobal songona ka•namgijgipa mongma jinma walo re•bae Amin Rabha-ni dongenggipa biapon doke donangaha ine kobor man•aha.
Borogobal song Raksamgre elakkani ning•o ga•akachim. Songni manderang mongmarangko rikgalna a•bachengaha, indiba mongmarang manderangni nokrangko pe•e ba nosto ka•e donangaha. Amin Rabha-ko mongmarang uni nok sambaon doke donangaha. Ia a•sel August 3 tarik Budbar walo ong•aha.
Songni manderang mongmana kenne, an•tangtangni janggina kate chakaha ine pulis u•iataha. Amin Rabha songo saksa niksengkalgipa ong•achim. Uni somoi ong•gija rang•gittik janggitangko gimaatani gimin nokdangni manderangna, ripengskarangna aro jolni manderangna dal•bea gimaani ong•aha.