Baghmara, July 16, 2022: Re•anggipa June jani 16-17 tariko mikka jimbee waanichi ramarang aro dollongrang nosto ong•e nok jamrang aro bang•a janggirang gimaaha ine South Garo Hills a•jani ning•o donggipa saksa NPYF-ni dilgipa Brilliant R Marak parakataha.
“Mikka jimbee waanichi bang•a nokrang, ramarang, jal•langrang nosto ong•aha. Iani a•selo chinga bajar anti re•e korosrang ka•na chol ong•jaha. Indake chinga Siju songni manderang dokkanrango chimonge dongipa mirongrang aro salantio cha•anirang bon•changaona sokaha. Chingni neng•nikmiting somoio, chingna dakchakanirangko on•atgipa an•chingni Skotong Minister Conrad Sangma, Siju-Rongara elekka-ni MLA Rakkam Sangma, AITC dolni dilgipa Dr Mukul Sangma, Siju elekka-ni MDC aro GHADC-ni CEM Albiniush R Marak, Siju-Rongara elekka-ni gitcham MLA Rophul S Marak, NGO dolrang jekai A•chik Heritage Pursuits (AHP), Rongram Block-ni ka•rimskarang, East Garo Hills a•jani PHE Department, Ma•sie Ra•bo Channel-ni Malik Bikram Ch Sangma, Hawakhana Baptist Church, Delhi A•chik Association (DAA), Delhi A•chik Christian Fellowship (DACF), GSU-CEC Tura, AYWO, CGB Tura, AHAM CEB Tura, Tura Te•tengkol Community, Tribal Nation Rider-ko dingtangmancha mittelpilna sika. Uamang chingni duk mikchi ong•mitting somoio chingna cha•ani ringani, ganding chinding, kimbolrang aro salantio jakkalna nanggipa bosturangko sokataha. Indake bosturangko ra•chaksoe jinmana suale on•anggipa Siju-ni Pulisrang aro chadamberangko anga mittelpilna sika” ine Rongara-Siju Constituency-ni NPYF-ni President aro South Garo Hills-ni Vice President Te Brilliant R Marak demitelataha.