Tura, July 11, 2022: Garo Students Union (GSU) Phulbari Regional Unit, Phulbari FEDCO SDM-na lekka sedoataha.
GSU Phulbari Regional Unit-ni janapata gitade, Phulbari jolo dongenggipa manderang bijoli dongjani a•sel bang•a neng•nikanirangko chagrongenga. Phulbari jolo transformer nosto ong•e dongengani a•sel jadokni porikkana poraienggipa chatro chatrirang neng•nikaniko man•enga. Uni gimin nosto ong•gipa transformer-rangko jinmani namgnina ta•rake tarie on•china porikkani somoio load shedding-ko ong•atgija dingtang somoio ong•atskachina dabiangaha. Una agreba bijoliko watengon chu•onga gita voltage-rangko watna nanga ineba janapataha.
Transformer nosto ong•ako MeECL department Phulbari Division tarigija galchipe donanichi jolni manderangna bang•a neng•nikaniko ra•baenga. Uni gimin ta•rake nirokatchna GSU didiataha.