Shillong, June 11, 2022: Meghalaya a•dokni Governor Satya Pal Malik June 8 tariko Controller and Auditor General (CAG) of India Department-ni lekka seatako man•soaha ine Governor-ni Secretary Pravin Bhakshi kobor ra•timgiparangna u•iataha.
Controller and Auditor General of India Department-ni janapatani gitade, a•dokni damgittam District Council-rang adita bilsirangna Account-ni bidingo see rakkigimin record-ko ma•mong sorkariona sokatangkuja aro unbaksana CAG Report-ko tarie on•ata dongja ine janapataha.
Chittiko man•soani salgipino a•dokni Governor a•dokni Skotong Miniater baksa ku•silitting gita ia obostani bidingo agangolpogrikaha aro ta•raken, District Council-rangni Account record-rangko on•echina didiataha.