March 24, 2022: Gondenggre songni saksa Tra Lemina Ch. Marak, Ronjit T Sangma aro unbaksana Rongop songni manderangko March 14 tariko Jengjal Pulis Station-o badi ka•angahachim, indiba Jengjal Puils Station-ni Officer-in-Charge, uni badi ka•aniko knachakjaha ine koborna u•iataha.
“Ronjit Sangma jean Gondenggre A•kingna mikboke, songni asol manderangko rikgale an•tang Nokma ong•na krenge ia kenbegnigipa obostarangko a•bachengatenga aro Rongop songni manderang, Gondeng-ni a•sol Nokmarangni gue bagan-rangko wa•al so•e nosto ka•an baksana 77 Bitot ba Nokma of Jamadal Amanthe A•khing III-33(9)-ni ning•o ripingengipa buringrangko so•e galaha.A•king goreni bidingo kajia golmal ong•ani gimin badi ka•gipa WP (C) No. 100 case nombor-na High Court da•al salona kingkingba maming raiko on•kuja. Uni gisepon Ronjit aro una chakgiparang Gondenggre songni bang•a nokdangni gue baganrangko aro ripingeigipa buring bolgrim-rangko nosto ka•aha. Ia obostani bidingo Kennedy Marak aro songni mitam manderang March 14 tariko Jengjal Pulis Station-ona re•ange badi ka•aha, indiba Officer-in-Charge Vicky K. Sangma ia badi ka•aniko ra•chakjaha batesa uamangko ka•mikkenatani kattarangko agane watataha.Indiba Vicky Sangma baksana dos gnanggipa Ronjit Sangma aro uni dolna chakskae, Kennedy aro gipin sak 5 manderangni kosako badi ka•e lekka sechina didiangaha.Vicky Sangma-ni agana gita tol•e sakki on•ne March 16 tariko badi ka•angaha aro Jengjal pulisrang badi ka•aniko knachake Kennedy Marak aro gipin sak 5 manderangko rime pattoko chipataha. Kattarangko knaani gitade, Ronjith aro Mechael Marak Jengjal Pulis Station-ni Officer-in-Charge Vicky Sangma-na chu•onga gita tangka paisarangko on•aha aro una a•arangkoba on•na ku•rachakahani a•sel Vicky uamangna chakstapenga. Uasan ong•aigija re•anggipa 2021 bilsioon Vicky Sangma-ko gipin biapona watatahachim, indiba ua Authority-rang baksa agan golppogrike Jengjal-on kamtango dongenga” ine Lemina Marak WGH a•jani Superentindent of Police na u•iataha.
Ua saksa a•song jatko aro a•jako namgijgipa mandearangoniko chelchakna sorkarini seoke kamo rakkigipa ong•a, indiba ua an•tangni kamko name ka•gija an•tangsa gunda dake roenga. Ua an•tangni man•gnina mikboke dos griko dos gnangdrakataha aro dos gnanggipa manderangna chakstapa aro ian sorkarini niamko pe•a gita chacha ong•a. Uni gimin sorkari uko kamni kri una kragipa sastiko on•na nanga ineba u•iataha.