Williamnagar, April 4, 2023: East Garo Hills a•jani Williamnagar Pulis, Nokma Sordar, Mothers’ Union aro NGO-rang apsan ku•monge, April 4 tarik Monggolbar salo tom•e Easter Monday-ni salo maikai tom•tomani aro naljokaniko ra•bana man•gen chanchirimaniko dakangaha.
Batanggimin bilsirango bang•a manderang a•sel ong•e janggitangko gimaataha. Uni gimin uandakgipa a•sel ong•gnirangoniko champengsona Pulis Dol ia chango rakbate ja•kurangko de•e kamrangko ka•angna tik ka•aha ine koborko man•aha.
Uandake songni nokni manderang rakbate niamrangko donne, nirok simsakaniko dakanggen, uni gisepon saoba manigija dakgenchimode, joljol thana-na u•iate, niam gita sinjetaniko dakanggen ineba tik ka•angaha.
Unbaksana NGO dilgiparang, District Administration, niamrangko donne champengataniko dakchina didianggen ine parakataha.
Indake ong•engon, Williamnagar jolni NGO-rang pilak Williamnagar-o songdonggipa aro Easter Monday-o Williamnagar-ona re•bagipa sakantinan u•iata baksa mol•molaniko on•ataha.
Uni gimin Easter Monday-ni salo sakantian, “Ka•sapae tom•tomaniko rakkina, krae aro nitoe dal•gipa chugipa manderangna bama gnang, mande ra•e manipachina didiataha. Maina ia chango saoba manigija ringe cha•e, songsalna nitogijani aro kratcha•ani kamrangko dakgenchimode, niam gita sinjetaniko on•na tik ka•aha” ine NGO dilgiparang parakataha.