Tura, March 30, 2023: West Garo Hills a•jani chadamberangna, Career Counseling Program-ko a•jani Deputy Commissioner Swapnil Tembe an•tangni watangna skang Butbar salo ong•atangaha.
Ia program-ko WGH a•jani District Administration aro District Planning Office bakrime, District Auditorium-o ong•ataha, jeon a•jani bang•a chadamberang bakko ra•angtokaha.
Deputy Commissioner jinmana aganprakengon, “An•tangni miksongako mikkango donne uko chu•sokatna kamrangko ka•na gita nanga. Uni gimin chadamberang dambemitingon an•tangni janggi tanganina cholko skienggipa aro kam ka•na sikengako chanchisame donsona nanga” ine aganangaha aro ua an•tangni janggi tangani giminba jinmana agan talatangaha.
Unbaksana, Additional Deputy Commissioner aro District Planning Officer, Winje R G Momin, “Career Counseling Program-rangko ong•atanichi, a•dokni chadamberang miksongatangko chu•sokatchina didiangaha. Indakgipa program-rangchi chadamberang an•tangtangni changa sapaniko nama kamna jakkalna gita man•a” ine aganangskaha.
Uandake, MSME-ni Assistant Director Nitesh Trivedi, MSME-ni gita poraienggipa chatro chatrirangna on•enggipa Scheme-rang aro Financial Assistance-ni bidingo talate on•angaha.
IHM-ni gitcham Principal aro Senior Consultant Dr Vijay Kumar, a•song gimikni dingtang dingtang a•jarangon, bang•a Institute-rangko kuliaha. Jeon Short Term Course aro Long Term Course-rangko ra•na gita basena man•a. Bakery, Food Processing, House-keeping aro uandakgipa course-rangko Meghalaya a•doko on•enga. Ia Course-ko chu•gimik matchotani ja•mano kamo rakkiangjolgen ine aganangaha.
Employment Officer, Tengchi Sangma-ba ia program-o bakko ra•eba, jinmana agan talate on•angpaha.