Shillong, April 4, 2023: Voice of the People’s Party (VPP) dolni Executive Membor-rang Monggolbar salo tom•aniko ong•ate, Roster System aro State Reservation Policy-ni bidingo Special Session-ko ong•ate jinma aganchanchirimna miksonge, jinmani nangnikani aro ra•chakaniko mesokna gita uamangni soirangko ra•enba, Skotong Minister Conrad Sangma aro Assembly-ni Speaker-na on•na tik ka•angaha.
VPP-ni dilgiparang a•dokni bang•a a•jarango tom•aniko ong•atange, Roster System-ko ra•gatani aro Reservation Policy-ko nipiltaiani bidingo jinmana agantalatna chanchirimaniko dakangaha.
Uasan ong•aigija, VPP dilgiparangni ong•atna sienggipa tom•anirango Khasi aro Garo Ku•sikko 8-gipa Schedule-o ra•gatanichi baditana gamchatani aro namgni ong•genchim, jinmana agantalatanggen. Uni gimin VPP dolni dilgiparang sakantikon uamangni ong•atna sienggipa tom•anio bakko ra•angpachina mol•molataha.