Tura, February 1, 2023: West Garo Hills a•jani District Eleksin Officer, “Re•baenggipa MLA eleksinna, watatgipa India-ni Eleksin Commission, Expenditure Observer-rang Tura songjinmaona sokbaaha.
Uni gimin, je manderangan Model Code of Conduct (MCC)-ni niamrangko pe•achim, uamangni kosako Expenditure Observer-na kobor on•ate badi ka•na gita man•gen” ine u•iataha.
44-Raksamgre (ST), 45-Tikrikkila (ST), 49-Dadenggre (ST) Assembly elakkani Expenditure Observer, IRS Sanjay Jha-na koborko on•atna aro nanganirangko sing•atna ia 9233473079 mobile nombor-ona call ka•atna man•gen. 46-Phulbari (GEN), 47-Rajabala (GEN) aro 48-Selsella (ST)-ni Expenditure Officer, IRS Amitava Sen-na nangarangko kobor on•atna nangnikgenchimode, ia 9233473067-ona call ka•atna u•iatna man•gen. Conference Hall-ona pring 9:30-oni 10:30-ona call ka•ate u•iatna gita man•gen ineba u•iataha.
Uasan ong•aigija 50-North Tura (ST), 51- South Tura (ST) aro 52 Rangsakona (ST) Assembly elakkani Expenditure Officer, IRS Pavitra Kumar-na 9233473068 nomboro call ka•e u•iatna man•gen. 56-Gambegre (ST) aro 57- Dalu (ST) Assembly elakkani Expenditure Officer, IRS Vivek Singh-na 9233473063 nombor-ona pring 9:30-oni 10:30-ona call ka•e u•iatna man•gen ineba u•iataha.