Tura, April 4, 2023: GSU Western Zone (North) Dadenggre-ni President Tengsan M.Marak, April 3 tarik Sombar salo, West Garo Hills a•jani Dadenggre C&RD Block-ni ning•o rikna on•gimin Dadenggre Community Hall aro Chibonggre Community Hall-ni bidingo Right to Information, Act, 2005-o pangchake, RTI ka•aha ine u•iataha. .
Tengsan Marak-ni RTI ka•ani gitade, Dadenggre C&RD Block-ni ning•o rikna nangenggipa Community Hall-rangko da•onaba rikkujani gimin, Dadenggre C&RD Block-ni BDO-ko sing•sandianiko dakangaha.
Ua Community Hall-rangko rikna gita batanggipa 2013 aro 2018 bilsini Financial Year-na on•gimin kamko somoi gita matchotna nangachim. Indiba on•gimin somoi gita ua community hall-rangko rikjahani gimin sing•sandianiko dakaha.
Uasan ong•aigija, Tengsan Marak, gipin dingtang dingtang kamrangni bidingoba Dadenggre C&RD Block-ko, RTI ka•aha ine u•iataha.