Shillong,Jan 17, 2023: Meghalaya Sorkari me·a-me·chikko mikkang nitegija janggi tangani cholrangko namdapatna kam ka·enga ine parakataha.
Me·chikrangko bil gnangatna adita kamrangko a·bachengata
Songdongggipa manderang sakantikon apsandake me·a aro me·chikrangni, janggi tangani gadang, ba bebe ra·anirangko mikkang nitegija pilaknan apsan cholrangko on·jaode, songsalo chu·sokgipa ong·na man·jawa. Me·chikrangko bil gnangataniara kamchi chu·sokataniko a·gilsak gimiko man·na krengenga.
Chasongni chasongna India a·songo me·chikrangko mande ra·e jakkalaha. An·chingni dakbewalrang aro bebe ra·anirango me·chikrang songsalo namgipa janggi tangani gadangko on·a. Meghalaya a·doko me·chikrangko bil gnangatanio pangnan ja·manchakani dongja. A·gilsak gimiko me·chikko nokna ra·gipa bang·gija songsalrangoni ian damsa ong·a. me·chikrang nokdangko re·dila aro chasongni chasongna an·tangtangni gam-jinrangko nokni me·chikrangna on·rikrikanga. Iano pangchake, Meghalaya Sorkari 2020 bilsio me·a me·chikna apsangrik cholrangko on·na ku·mikchetaha.
Tangka-paisatangko bikotna man·gipa ong·na, an·tangni kam ka·anio bosturangni nokgipa ong·na, janggi tangani gadangrangko tarigipa niamna ku·rang on·na aro an·tangni changa-sapanirangko namdapate tangka-paisarangko simsake jakkalna, changnaian janggi tanganiko namdapatna nangchongmotgipa kam ong·a.
Meghalaya a•dokko Abode of Clouds ine agana, ia a·doko ong·telaigipa nitoanirang donga, jeon gadangni gadang jokengipa chi darerang, grikgipa chibimarang, ong·telaigipa rong·kolrang aro jatni nitogipa dakbewalrang donga. Meghalaya-o bang·a dingtang jatrang donga aro ianoni mongsongbatgiparanga Khasi, Garo aro Pnar ong·a. A·doko nitogipa aro gualna amgijagipa biaprang donga, uaranga chubegipa a·timborang aro a·dingrang donga, jean tona amgijagipa aiao inmangipa biaprang gnang.
Ru·uta chasongna me·chikko nokna ra·aniko nikgenchimoba, India gimiko Meghalaya a·doko bi·sa an·pakgipa ma·giparangni sianiko komiatna aro me·a me·chikko apsangrik ong·e ra·aniko komibate nikna gita man·a. Ia neng·nikaniko namatna gita 2020 bilsio reservation policy-ko tariaha ineba parakataha.
Self-Help Group (SHG)-rang ong·baanichi da·ororo kangal cholgri aro galchipako man·gimin songo donggipa manderangni janggi tanganiko namdapatna mingsa chol ong·aha. Self Help Group-rangchi janggi tangani cholrangko namdapatna skianiko man·a. Bang·bata me·chikrang self-help group-rango bak ra·anichi aro Village Employment Council (VEC)-rango kam ka·anichi politics-o bak ra·genchimode, iarango aro janggi tangani cholrangko man·anio, an·seng-baljokani cholrango aro pora skianirango namdapaniko man·gen.
A·dok gimikon SHG-rang aro VO-rangko (village Organization) bikotanirang bang·baroroenga. Re•anggipa 2019 aro 2020 bilsink gisepo SHG-rang aro VO-rang ong·bana a·bachengaha. Iandakgipa dolrangko bilakataniara dakna nangchongmotgipa kam ong·a. Batanggimin bilsi gnio, ia program-ko a·doko apalbate kam ka·na gita jotton ka·aha, chong·motan bang·gija VO-rang jerangan VRF-ko (Vulnerability Reduction Funds) aro SHG-rang jerangan bank-oniko srona chol ong·a, sorkari tangka paisa sroaniko membor-rangna aro cholgri-apgrigipa nokdangrangna tangka paisa sroanirangko bang·bate on·na gita ja·ku de·aha.
SHG-rang 2018 bilsio ge 5,814-oni 2022 bilsio ge 38,115-ona bariaha aro nokdang lak 3.16-oni me·chikrang bakko ra·aha. 2018 bilsio kror 97 tangkarangko SHG-rangna sualaha aro VO-rangko dakchake namdapataha. Bank-rang baksa kamrang ka·ani 94.5% ong·aha, jeon ge 36,070 SHG-rangko tarina man·aha.
Minggipin dal·begipa kamko chu·sokataniara VEC-rango me·chik dilgiparangko donna gita, sorkari 50% seatrangko me·chikrangna on·aha.
Dingtang dingtang program-rangchi, a·dok sorkari me·chik badinggiparangko didina aro dakchakna kam ka·enga jekai Handloom, Piggery, Dud, Processing Unit-rang, Sanitary Napkinrang aro gipin bosturangko tariani kamrang. Iana agreba, Sorkari biaptangni bosturangko gipatna aro manderangna u·iatna handloom industry-ni ning·o dingtang dingtang kamrangko a·bachengataha ine parakataha.