Skotong Minister, Raksamgre-o FOCUS+ ni tangkarangko SHG aro PG-rangna sualanga

Tura, September 23, 2022: Tikrikkila Blockni ning•o donggipa Raksamgre-o program-ko Sukrobar salo ong•ate, jolni bang•a SHG-rang aro Youth Organisation-rangna FOCUS, FOCUS+, PROGRESS, CIF Fund-rangko Meghalaya State Rural Livelihood Society (MSRLS)-ni gita a•dokni Skotong Minister Pa Conrad Sangma suale on•angaha.
Skotong Minister tom•anio jinmana aganprakangengon, MDA sorkari a•dokni bang•a game ge•e cha•giparang aro kangal cholgri nokdangnj manderangna rokomanti Scheme-rangko ra•bae dakchakanirangko on•enga ine aganangaha.
Skotong Minister Raksamgre jolni manderangna FOCUS-ni gita tangka gong lak 33.90-ni cheque-ko Farmers Producers Group ba game ge•e chagipa dolrangna suale on•angaha. FOCUS+ ni gitaba Individual Producer-rang jemangan an•tangtangna tangka kamaiani cholko bikotengachim, uamangba dakchakaniko man•angaha. FOCUS+ aro FOCUS game ge•e cha•enggipa nokdang ge•antina tangka gong hajar 10-ko on•gen ine aganangaha.
Indake tom•anio me•chikrangni SHG-rangna Community Investment Fund-ni gita dam 5 songni Organization-rangna lak 5.80 tangkarangko on•angajolaha.
Unbaksana Skotong Minister, YESS Meghalaya Program-ni gitaba Tikrikkila Block-ni dol 21 chadamberangna, lak 9 tangkarangko on•angaha ineba u•iataha.