Tura, Nov 8, 2022: Garoland State Movement Committe (GSMC) HQ Tura, Sombar attamo Lower Hawakhana-o donggipa Silanggre gittimni manderangni okamatako man•ne, GSMC-ni dilgiparang re•ange gittimni manderang baksa tom•e chanchirimaniko dakangaha.
Uamangni tom•e, chanchirimanio Silanggre gittimni manderang mikkangchi Garoland State-na dabianio apsan ku•monge bil aro jakko on•pagen ine ku•mongani kattarangko parakataha.
Silanggre gittimni manderang, “Ching baksa Garoland State-na ka•oksie re•ongkatbaani gimin, chinga namen kusi ong•a aro uamangko mande ra•e gisik ka•tong gimikchi rimchaksona kusi ong•a” ine GSMC-ni Co-Chairman Balkarin Ch.Marak aganangaha.
Ia tom•anio GSMC-ni Co-Chairman Balkarin Ch. Marak mongsonggipa sokgipa ong•e, Garoland State-na dakgrikani bidingo talate on•angaha ine GSMC, HQ Tura-ni Assistant General Secretary Cyril A Sangma parakataha.