Ranikor, Feb 5, 2023: South West Khasi a•jani Ranikor elakkao NPP darangnaba field ka•jawa ine paraktengon, TMC ticketo susana Savio-ko liato biming segatahachim, indiba uko ra•galpile Shella-ni bading chiwalgipa Tengsim G. Momin TMC-ni candidate ong•e, re•benggipa Assembly eleksino Ranikor elakkaoni susaanggen ine koborna parakataha.
Apsandake, Ranikor elakkao BJP dolni Choina Hajong-na ticket on•na am•achim, indiba uko ra•galpile, Martin M.Danggo-na on•skae Ranikor elakkao susaatenga ineba u•iataha.
Indakgipa political game-ko TMC aro BJP dolrang kal•e candidate-na ka•dongataniko on•ne ra•galpilenga ine Ranikor elakkani manderang suk.ong•gijaniko parakataha.
Ranikor elakkao susaenggipa candidate-rang Kreneth N.Marak IND, Pius Marwari UDP, Migther Marwein IND, Victorealness Syiemlieh INC, Overlin IMiong PDF, Martin M.Danggo BJP, Tengsim Momin TMC aro Bichitro Hajong IND.