Williamnagar, August 22, 2022: East Garo Hills a•jani NGO-rang GSU, FAF, FKJGP aro AIGU Williamnagar Bar Association-ni dabianio chakpaaniko parakataha.
High Court bench-ko Garo Hills-ona ra•bana nangchongmota. Williamnagar Bar Association, A•chik a•songo songdongenggipa pilak manderangni neng•nikaniko nikenba High Court-ni Bench-ko ra•bae on•china dabiengachim.
Unbaksana NGO-rang GHADC-ni branch Office aro GHADC-ni High Court bench-ko East Garo Hills a•jaona ra•bae on•china dabienga. A•chik a•songo songdongenggipa pilak manderang Tura songjinmaona re•angna chol dongpaja aro ramarang chel•bea. Uni gimin manderangni neng•nikaniko niate, GHADC-o Court-ni bench aro Branch Office-ko Williamnagar songjinmaona ra•bae on•na nangchongmota, jedakode manderang Tura songjinmaona re•angna chol ong•pajachim, uamang sepangbatgipa Williamnagar-ona re•ange kam ka•na chol ong•gen.
Uamangni dabianiara nangchongmotgipa dabiani ong•a, ine NGO-rang uamangna chakpaaniko on•enga ine GSU Eastern Zone-ni President Saljrang Tengrik Marak parakataha.