Resubelpara, August 13, 2022: North Garo Hills a•jani pulisrang mamla dal•a chona pilak badi ka•anirango pangchake, jinmani namgniko ra•bana kamko ka•engon,
re•anggipa July 29 tariko Guwahati-o poraienggipa chadambe saksani mobile phone gimaani bidingo Bajengdoba Pulis Station-o badi ka•aha.
Indake NGH a•jani pulisrang ua chadambeni mobile phone-o gamchatgipa file-rang aro datarang dongenggen ine bimchipe kam ka•anichi gimagipa mobile phone-ko man•pile on•aha ine u•iataha.
Pulisrang man•pilgipa mobile phone-ko poraienggipa chadambeni nokdangna pakwate on•angaha ineba u•iataha.