Tura, July 14, 2022: Me•chik rim•srukanio jak donggipa Kingston B.Marak-ko Pulisrang rim•aha aro uan AHAM-ni membor ong•a ine songbad-rango seataniko AHAM-HQ-ni President George Prince Ch. Momin raken jegalataha.
George Prince Momin-ni parakatani giade, “Kingston B Marak re•anggipa 2021 bilsion AHAM doloni ong•kataha. Indake ua re•anggipa Rajabala by eleksino BJP candidate ong•e susaaha. Ong•gija Social Media-rango aro Songbad-rango uko AHAM dolni membor ine maming talchenggija gataniara namen kratcha•ani ong•a aro AHAM dolna namgija bimingko ra•baha. Ua maming dakeba AHAM dol baksa bakrimani dongja” ine AHAM-ni President George Prince Ch. Momin u•iataha.