Shillong, March 12, 2023: Director General of Pulis Dr. Lajja Ram Bishnoi koborko jinmana parakatengon, ” Meghalaya a•dokni bilsi 51-na kingking batanggipa ja 8-ni gisepo man•gipa pekgipa ring•anirang ba drugs-rang gipin bilsirangna bata” ine aganaha.
2022 bilsio pekgipa ring•anirangni bidingo ge 116 case-rangko segataha aro sak 234 manderangko rim•aha. Indake re•anggipa bilsini January aro April jani gisepo gram 500 heroin-rangko ra•sekaha, May aro December jani gisepo kg 7 heroin-rangko rim•a man•aha, chu•gimik kg 7 gram 500 pekgipa ring•anirangko rim•a man•aha.
Kg 7.5 heroin, sak 15000 manderangko pekatna ama. Heroin-san ong•aigija bang•a pekgipa ring•anirang jekai ganja, yaba tablet rong 12,500 methamphetamine tablet-rangko, a•songo jakkalna champenggipa Cough Syrup, jekon Bangladesh a•songona bading chiwalengachim uarangko rim•a man•aha.
Ia bilsini a•bachenggipa jarango ge 35 case-rangko Narcotics Drugs and Psychotropic Substances Act-o pangchake segataha. Indake ia bilsini gisepo kg 3.5 gram heroin, ganjako man•aha ine u•iataha.