Williamnagar, April 4, 2023:Garo Hills-o dongipa manderangna India Sorkarini donmitape ka•engipa kamrangko da•odipet darang news channel-oba agantale on•gipa dongkuja aro darang political dilgiparangba uni gimin aganna pa•gipa Meghalaya-o dongja ine parakataha.
Garo Hills-ni Social Movement-rang Democracy-ni gimaaengako ma•sirikjaenga.
Meghalaya Legislative Assembly-oni seoke watatgipa Lok Shaba aro Rajya Shaba-ni Membor-rrang da•odipet Democracy-ni gimaaengako darangba chadenge agangipa dongkujaenga ine Meghalaya Pradesh Youth Congress (MPYC)-ni General Secretary Junebirth C.Marak parakataha.
Uni parakatani gitade, Lok Shaba-o Membor-rang sak 303 aro Rajya Shaba-o sak 93 MP-rang gnaag, da•o BJP dolni a•songo tarigipa niamrangko nirikengon, Constitution-ni a•palo bang•batan ong•enga. Sorkarini tarigimin niamrang, Constitution-ni gita ra•chakna man•gijako nike, da•o sorkari rikengipa, India-ni Constitution-ko Reframe ba uko gital dake taritaina kamrangko ka•enga.
India a•songo songdongipa manderangna gital niamrangko tarina a•songni skotong ong•e, dilgipa bil donga aro ia bilko India-ni Constitution-o pangchake jakkalna man•a. Indiba niamko tarina gita pangchake dongimin (Principle) Constitution-ni gita ong•gija niamrangko tarie ra•baode, uko Opposition Party-ni MP-rang Constitution-o pangchake jegalskana man•a. Indake Opposition party, ruling party-ni ong•gija, kamrangko jegalaniko Democracy-o “Pillars of Democracy” ba Democracy-ni Krongrang ine minga. Uni gimin kakketgipa aro mangrakgipa Democracy Sorkario pangnan Ruling Party aro Strong Opposition Party, ruling sorkarini kamko jegalgipa dongna nanga. Opposition-ni jegalgipa niamrangko maming saloba ruling sorkari a•songni kosako ra•bana man•ja. Indiba India a•songni obosta, indake ong•jaengaha. A•songko sason ka•engipa India Sorkari, India-ni Niam Bidik (Constitution)-ko ja•rikgija kamrangko ka•engaha. India-ni Constitution-o Democracy Sorkari-kosa a•songo ripingchina aganachim, indiba da•o ong•engipa, India-ni Sorkaride “Fascist” Ideology-kosa a•songni manderangna ra•baskaenga.
“Fascist” ian Right Wing Extremist Ideology ong•a, jekon 1939 bilsio Adolf Hitler Germany-ko sason ka•o pangchake re•dilgipa niam ba Principle ong•a. Fascist-ni Ideology-o Opposition-ko bon•atani, a•songo jat aro torom mingsan ong•na man•aigen. Jat gipinni an•chi aro toromna mitchigipa ong•a.
Indake, India a•songo “Fascist”-ni Ideology-o kam ka•aniko India-ni dingtang dingtang bakrango nikna gita man•engaha. Ia ong•engipa obostana A•chik jat mikkraksojaode, bang•gija bilsirangni ja•manon, Garo Hills-ko “Fascist” Sorkarichi sason ka•gen. Fascist Sorkarichi sason ka•ode, India-o badia torom ba jat aro ku•sik mongsongbata, ukosa India-o songdongipa manderang ja•rike janggi tangna nanggnok ineba mikkrakataha.
Fascist Sorkariko, India-o bilakatna man•ode, India-o songdonggipa gimik jatan, jatangni ku•sik, torom aro dakbewalko gimataona sokgnok. Uni gimin Garo Hills-o songsonggipa pilak chadamberang aro ma•a-parangko, MPYC-ni dilgipa seachi mikkrakatsoaha.