Williamnagar, January 13, 2022: Accredited Social Health Activist (ASHA) jemangan a•doko manderangni be•en bimangko maming sabisi gri mangrake rakkina ja•ku de•enba rakbee kamrangko ka•engachim, uamangni man•gni dormaharangko man•jaenga ine A•chik Organization for Social Welfare (AOSW) u•iataha.
East Garo Hills a•jani Deputy Commissioner-na AOSW-ni lekka see janapatani gitade, ASHA-rang gisik nange maming jechakani gri kamrangko ka•enga. Uamang bi•sa bakgitchak donggipa nokantichi re•ange, uamangni be•en bimangni gimin sing•sandianiko dakenga, de-worming ba oko donggipa jo•ongko gimaatna samrangko on•enga, unbaksana an•tangtangko rongtal an•tale rakkiani bidingo mikrakataniko on•enga ineba u•iataha.
Uasan ong•aigija ASHA-rang life insurance, accident insurance aro pension-rang aro gipin man•dapanirang dongja, uni gimin ASHA-rangna jaanti, man•gni dormaharangko on•na nanga ine AOSW dabiangaha.