Shillong, Jan 27, 2023: Meghalaya TMC dilgipa George B Lyngdoh Sukrobar salo Ri-Bhoi a•jao donggipa Umsning elakkao gital TMC office-ko nokdonggae on•angaha.
TMC office gitalko nokdonggae on•ani salo Umroi-ni MLA aro TMC candidate George B Lyngdoh mongsonggipa sokgipa ong•e, tom•aniko dilangaha.
George B Lyngdoh, party-na kam ka•giparang mikkangchi niksamsoa gnang miksonganiko chu•sokatna, rakbate kamrangko ka•angna sakantiko didiangaha.
“An•chingni nangnikaniko chu•sokatna mikkang jadipet rakbate kamrangko ka•angna angni bil amadipet an•tangko tarisoenga. Chinga NPP-chi chalaienggipa MDA sorkarini sasono bang•a neng•nikaniko chagronggenchimoba, an•chingni ku•rang on•aniko knachakjaoba, anga kim•kim ong•a. Manderang Delhi songjinmao asonge an•chingko sason ka•oba aro uamangni namnika gita sinjetaniko on•oba, an•ching ku•monge kam ka•anggen” ine aganangaha.
Lyngdoh jinmana aganprakangengon, TMC dilgiparang maina gitcham Congress party-oni ong•kataha”? “Sak 5 mangmang Congress dilgiparang, gipinrang ong•katmano maina party-o dongrika? Dongrikgipa dilgiparangba ta•raken ong•katgen ine ma•sia. Meghalaya TMC mangmangsan bilake BJP-ko warachakna man•aigen” ine Lyngdoh agandapataha.
Umsning TMC gital office-ko nokdonggae on•ani salo namnamgipa dilgiparang Meghalaya TMC State Vice President James Lyngdoh, TMC General Secretary Dr Fabian Lyngdoh, Mawhati TMC candidate Dr Saraline Dorphang, TMC District President aro Umsning elakkani candidate Gilbert Nongrum, TMC Student Union dilgipa Landingstar, TMC District General Secretary, G.Pyrtuh aro Umroi Block Vice President CL Masharing dongpae bakko ra•angaha.