Shillong, March 21, 2023: A•dokni dam 5 a•jarangni Deputy Commissioner-rangko Sombar salo kam ra•jujaataha.
East Khasi Hills a•jao RM Kurbah gital Deputy Commissioner ong•e kamko ka•anggen, jeon SC Sadhu, January jao East Khasi Hills a•jani DC Isawanda Laloo-ni biapko ra•ahachim, uni chokkio DC ong•e kamko ka•angskanggen.
Indake ong•engon SC Sadhu, Community and Rural Development-ni Director ong•e kamko ka•angskagen. Unbaksana Community and Rural Development aro Fisheries and Water Resources Development-ni Secretary ong•e kamko ka•anggen.
West Garo Hills a•jani Deputy Commissioner Swapnil Tembe, Education Department-ni Director, School Education & Literacy-ni Joint Secretary aro SSA-ni Special Project Director ong•e kamko ka•angskagen. Indake uni biapo East Garo Hills a•jani DC Jagdish Chelani West Garo Hills a•jani gital DC ong•e kamko nirokangskagen.
Sports and Youth Affairs Department-ni Deputy Secretary Vibhor Agarwal, East Garo Hills a•jani gital Deputy Commissioner ong•e kamko ka•angskagen.
Indake ong•engon, Eastern West Khasi Hills a•jani DC Wilfred Nongsiej-ko Prison and Correctional Service Department-ni Secretary-na kamo donatskaha. Indake uni biapko South West Garo Hills a•jani DC, G Kharmawphlang jako ra•angskagen. Indake ong•engon, South West Garo Hills a•jani gital DC-ko sorkari parakatkujaenga ine u•iataha.