Bajengdoba-ni MLA aro MDC-rang election-ni model code of conduct-ko pe•a 

Resubelpara, Feb 26, 2023:Election ong•na skang konta 48-ni gisepo aro election campaign-ni somoi matchotani ja•mano Bajengdoba-ni MLA Pongseng Marak Merongdik songo campaign ka•angaha ine koborna u•iataha. Ian dongimin somoina bate election-ni dongimin model code of conduct-ko pe•ani ong•chongmota.

Election-ni niamko pe•e, campaign ka•giparanga MLA Pongseng Marak baksa MDC sakgni Aldo A.Sangma aro Crozier Momin-ba dongpachim. Uamang pulis escort rimbitpile, niamni kosako election campaign ka•aniko sing•dona nangengaha.

Iandakgipa obostarangko dingtang dingtang political dolrang aro civil society group-rangni so•sojengjeng ong•atenga. Bang•a manderang election commission-na call ka•ate, MLA aro MDC-rangni kosako rakgipa ja•ku de•aniko dakchina didiataha.

Election Commission-ni dongimin niam model code of conduct-ko gimik political dolrang aro candidate-rang jinmani namgnina election-ni niamko apsan ja•rikna nanga. Uni gimin jeba niamko pe•na nangja, jinmani namgnina kakket ong•e democratic-ni niamko ja•rikna nanga ineba janapataha.

Uni gimin ia obostani bidingo Election Commission namedake sandianiko dake, niam gita uamangni kosako raka ja•kuko de•angchina gitaba Congress party dabiangaha.