Antisani gisepo rama tarie on•jaode jingjenganiko ong•atgen: Umkiang Nokma

Shillong, November 30, 2022: Umkiang songni Dorbar Shnong ba Nokma, National Highway 6 ramako antisani gisepo tarie on•jaode, uamang soroko re•jome jingjenganiko ong•atanggen ine parakataha.

Nokmani u•iatani gitade, NH-6 rama namjani bidingo, chinga Deputy Commissioner aro National Highway Authority of India (NHAI)-na obostarangko talate on•aha, indiba uamang da•ona kingkingba ramako tarie on•kujaenga.

East Jaintia Hills a•jani bang•a manderang ia namgijagipa ramani a•sel neng•nikanirangko man•enga. Assam, Manipur aro Tripura a•dokrangona re•gipa NH-6 ramani obosta namsrangjani a•sel, ia ramako ta•rake tarina nanga ine Dorbar Shnong didiataha.

NHAI-ni u•iatani gitade, uamang December 15 tarikna skang NH-6 ramako name tarigen ine aganaha, indiba Nokma-ni aganani gitade, uamang da•onaba kamkon a•bachengatkuja.