Shillong, Feb 8, 2023: Meghalaya a∙doko ge∙a gamanina, pulrangna aro dingtang dingtang jakchi tarigimin bosturangna mingsing-minggama.
Meghalaya-o songdonggipa manderangoni 30% chadamberang ong∙a. Ia chadamberangna janggi tangani cholrangko dake ra∙anio aro kamrangko man∙na gita dakchakaniko nangenga.
Indakgipa dakchakanirangko on∙na gita, bang∙a dingtang dingtang cholrangko on∙aha jekai changa sapanirangko skie on∙ani, tourism aro Bading chiwalaniko a∙bachengdilgiparang gnang. Indakgipa dakchakanirang dongjani a∙sel chadamberang gipin kamrangko sandina nangenga.
A∙doko bang∙bate kamrangko nakatatna aro kam sakgipinrangna kam on∙na sorkari miksongani gnang. Uni giminsa PRIME Meghalaya-ko a∙bachengataha. A∙dok Sorkarini a∙bachengatgipa PRIME (Promotion and Incubation of Market-Driven Enterprises) bading chiwalaniko a∙bachengatgiparangna dakchakaniko on∙aha aro ia kamrang ja∙dil sikna man∙na gita nanggipa biapko on∙aha. Iachi namgipa aro kam ka∙rimgipa biapko ong∙atna gita miksongenga, jechin altuae sroanirangko dakna, nanggipa technology-ko jakkalna dal∙dalgipa antidamrangona sokatna gita man∙gen.
Iandakgipa a•bachengataniko an∙tangtang bading chiwalaniko a∙bachenganio Meghalaya a•dokni tang∙dodoroaniara name aro simsake chanchisamsoanichi, nanggipa bosturangko chu∙gimik on∙ne, manderangni changa sapanirangko namdapatna gisik nangbee chu∙sokatna man∙aha.
PRIME-ni ning∙o, sorkari kror 6 tangkarangko dingtang dingtang cholrangchi ge 280 startup-rangna dakchakaniko on∙aha. Jekai, sak 22 bading chiwalaniko a∙bachengdilgiparang tangka gong lak 5-ko Kickstarter Grant ba a∙bachengatna gita man∙aha. Scale-up Innovation Loan ba dal∙dapatna gita tangka sroanirangko lak 25-ona kingking sak 14 bading chiwalaniko a∙bachengdilgiparangna on∙aha aro sak 143 bading chiwalaniko a∙bachengdilgiparang gong lak 25-ona kingking interest ba sut gri srona on∙aha.
Re∙baenggipa chasongo bading chiwalgiparangna namgniko on∙na gita ge 22 atelier-rang ba (workshoprang) tangka paisarangchi dakchakaniko man∙aha.
PRIME-ni dakchakanichi namgnirangko man∙gipa bang∙bata bading chiwalgiparangan handicrafts ba jakchi tarigipa bosturangko ripinganirang, biaptango man∙gipa bosturang aro samtangtango skie on∙giparang ong∙a. Uandake biaptango janggi tangani bewalko songsalo namroro silroroaniko ra∙bagiparang ong∙a. A∙doko man∙gipa dingtang dingtang bosturang aro dakbewakrangko jakkale gital pala-sim∙anirangko Meghalaya-o dakdilenga.
Sorkarini nangnika gita nangchongmotgipa tangka gamanirangko ja•rike nanggipa technology-ko man∙na gita dakchakanirangko, a∙doko namedake somoi gita rai-ko ra∙na man∙anian chadamberangko bading-chiwalanio a∙bachengdilgiparang ong∙na gisik nangataniko on∙aha.
Batanggimin bilsirango, bading chiwalaniko a∙bachengdilgiparang sak 3000 manderangna baten janggi tangani cholrangko on∙aha, aro uamangni bading chiwalanirangna bang•bate tangka kamaaina cholrangko on∙aha.
Meghalaya-ni itihaso ru∙uta chasongrangonin me∙chikko nokna ra∙aniko ranta ka∙a, uandaken ian a∙gilsako ong∙ronggijagiparangoni a•dok damsa ong∙a. Me∙chikrang iano dilgipa ong∙e kamrangko ka∙a. Indake 60%-na baten startup-rang, me∙chik bading chiwalgiparangoni ong∙a. A∙dokni me∙chik bading chiwalgiparang kror 10-na baten, PRIME Kickstart Grant-oni PRIME Innovation Scaleup Loan on∙gipa tangkarangoni 20%-ko me∙chikrangni dilgipa start-uprangna tikatenga. Iaishah Rymbai-ni a∙bachengatgipa Eri-Weave, jekon Eri silkko ripingna gita miksonge a∙bachengataha, ian jatni dakbewal, man∙gipa bosturang aro bading-chiwalanina chanchianiko nangdime Meghalayao bading-chiwalaniko dakna amaniko mesokani mingsa ong∙a.
Ge 40na bate startuprang baksa skie on∙giparang, ge 60na bate bimung segatgimin startuprang, ge 50na bate a∙dokni dakchakgipa aro an∙tangari chalaienggipa incubatorrang, aro ge 20na bate biaptango dakdilgipa start-uprang donga. PRIME Kickstart Grantoni aro PRIME Innovation Scaleup Loanoni on∙gipa tangkarangoni 10%ko biaptangoni dingtangmancha an∙tang bikotgipa kamrangko ka∙giparangna tikata. Changa-sapani kri skie on∙ani, aro karkanani kri bading-chiwalaniko apalbatataniko tarianichi bading-chiwalanio dingtang dingtang bosturangko tarina chu∙sokgipa kam ka∙anirangko ra∙bana gita man∙aha, aro uandaken a∙dokni chadamberang ia startupko dakani dingtang dingtang gadangrangna tarigimin skie on∙anirang aro agane on∙pilanirangchi namgnirangko man∙aha. A∙dok sorkari dingtang dingtang nanggipa daka-rikanirangko bang∙a kamrangchi aro name chanchisamsoanirangchi kam ka∙enga jekai ‘From Idea to Execution’ jeko pe∙skagenchimode ‘Chanchiaoni kam ka∙aona’ jedakode chubata gadango poraianirangko dakanio bilakbatatna man∙gen.
Mikkangchina re∙mikkangengon, a∙dok sorkari State Startup Portalo A∙chikkukoba on∙chapna miksongenga jedakode bang∙bata startuprangna aro nadobaenggipa bading-chiwalaniko dakgipa manderangna nambata janggi tangani gadangko man∙a gita dakchakna man∙gen. Una agreba, batanggimin salrango chatro-chatrirangna miksonge bading-chiwalanio skie on∙ani sessionrangko dakaniko namniktokaha ine nike, bang∙bate online sessionrangko on∙ne u∙ia-ma∙sianiko dambe gisikrangna on∙a gita ong∙atna chanchiaha. Una agreba, a∙dokni kam ka∙gipa dolrang technologyni bidingo neng∙nikanirangko namatna dakchakna gita policy ba ja∙rikani niamrangko tarina kam ka∙enga jekai- Internet of Things, AI, robotics, kolrangko jakkalaniko skie ra∙ani, aro blockchain. Ma∙mong sorkarini, Indiako an∙tangko rakkigipa 5$ trillionni economy ong∙atna niksamsoaniko Meghalaya sorkariba niksamsoenga aro iako chu∙sokatna gitara a∙songo bading-chiwalaniko name a∙bachenge gisik nange dakroroanganichi chu∙sokatna gita man∙gen.